#آتا
آی چیخار هر گئجه کی بلکه سنه بیر جان آتا
بیر جانیم وار بو جوانلیقدا سنه قوربان آتا
گوهر الده اوشاق ایکن نئجه بیلمز قدرین
قدریین تانری بیلیر، قیمتی نی قرآن آتا
تربیت کسب حلال نان بیزه قسمت اولدو
قسمتین اولسون عبودیت ده سنه ایمان آتا
آقا دولدود اوره گه هیچ داها دیل دن دوشمز
هیبتی چوخ عظمت لی ، دییرم سلطان آتا
سن الیم نن یاپیشیب من اوشاق ای کن دولانیب
سفرین ده بو اوشاق اولمادی سرگردان آتا
ملکوت دی یئر اوزو سن ده منه روح و روان
عرشین آلتیندا عزیز سن،سنه من مهمان آتا
منه واجب اولوب اتحاف ائلی یم (قول کریم)
یازا بیر باش یازی سی مغفرت رحمان آتا
سالما یارب بو نظر دن کی چیخاردام یاد دان
(آنا جان)لار چاغیریب، ذکر ائلی یم من (جان آتا)
رحم ائله شاعیره یارب اولارین خاطرینه
دیله گلدی که سوینجی گوره بیر اوغلان آتا
مملکت دیر بو وجودوم آنا جانیم ملکه
منه واجب دی گورَم هر نه دئسه خاقان آتا
گنه تیمور زمان گوهر و مرجانه چاتیب
هانچی انسان دی بئله گوهر آتا، مرجان آتا
#تیمور_زمانی
اول بهمن ماه ۹۶
درباره این سایت